მიმდინარე წლის 17 მარტს შპს ავტოლოგისტიკასა (ალოგი) და საქართველოს შინაგან საქმეთა სამინისტროს (შსს) სახელმწიფო შესყიდვების სამსახურს შორის გაფორმდა ხელშეკრულება, რომლის საგანსაც წარმოადგენს ქ. ფოთიდან და ბათუმიდან შსს-ს სახელზე ჩამოსული ტვირთების ქ. თბილისში ტრანსპორტირება. ხელშეკრულების ვადა განისაზღვრა 2015 წლის ბოლომდე.

აღნიშნული მომსახურების შესახებ ელექტრონული ტენდერი (SPA140029669) 2014 წლის 15 დეკემბერს გამოცხადდა. ხელშეკრულებას კი გამარჯვებულ კომპანიასთან საბოლოოდ ხელი 2015 წლის 17 მარტს მოეწერა.

აქვე უნდა აღინიშნოს, რომ ეს გახლდათ შპს ავტოლოგისტიკის პირველი მონაწილეობა სახელმწიფო ელექტრონულ ტენდერში, რაც წარმატებული აღმოჩნდა.