ქართული ღვინის ექპორტი 15%-ით გაიზარდა
21 მაისი 2021

საქართველო არის ქვეყანა, რომლის შიდა წარმოების დიდი ნაწილი ემყარება სოფლის მეურნეობის პროდუქტების მოყვანას, როგორიცაა სხვადასხვა ხილი (ყურძენი, ციტრუსის ხილი, თხილი), ალკოჰოლური და უალკოჰოლო სასმელების წარმოება. საქართველოს მიერ ერთ-ერთი მთავარი ექპორტირებული პროდუქტი ღვინოა.

სოფლის მეურნეობის სამინისტროს ინფორმაციით, ქართული ღვინის ექსპორტის მაჩვენებელი და მისი ღირებულება გაიზარდა.

უწყების ცნობით, 2021 წლის იანვარ-აპრილში, მსოფლიოს 55 ქვეყანაში 28.3 მილიონ ბოთლამდე (0,75 ლ) ღვინოა ექსპორტირებული, რაც 2020 წლის ანალოგიური პერიოდის მაჩვენებელს 15%-ით აღემატება.

ექსპორტირებული ღვინის ღირებულება კი 7%-ით გაიზარდა და 65 მლნ-მდე აშშ დოლარი შეადგინა.

სამინისტროში აღნიშნავენ, რომ ექსპორტი ქართული ღვინის სტრატეგიულ ბაზრებზე გაიზარდა:

პოლონეთი - 2% (1 841 192 ბოთლი);
ჩინეთი - 19% (1 559 533 ბოთლი);
ლიეტუვა - 71% (356 748 ბოთლი);
აშშ - 2% (325 468 ბოთლი);
ესტონეთი - 3% (228 592 ბოთლი);
გერმანია - 1% (229 527 ბოთლი);
დიდი ბრიტანეთი - 6% (157 932 ბოთლი).

სხვადასხვა მოცულობის ქართული ღვინისა და ალკოჰოლური სასმელების ექსპორტი 252-მა კომპანიამ განახორციელა.

მათივე ინფორმაციით, ქვეყანამ ღვინის, ბრენდის, ჭაჭის და ჩამოსასხმელი ბრენდის ექსპორტის შედეგად 106.3 მლნ დოლარის შემოსავალი მიიღო, რაც გასული წლის იგივე პერიოდის მაჩვენებელზე 15%-ით მეტია.

მსგავსი სიახლეები

ფოთსა და ბაქოს შორის საკონტეინერო ბლოკ-მატარებელი ივლის
15 ივლისი 2014

ფოთსა და ბაქოს შორის საკონტეინერო ბლოკ-მატარებელი ივლის

სს "საქართველოს რკინიგზის" შვილობილ კომპანია "ტრანს კავკასუს ტერმინალსსა" და "აზერბაიჯანის რკინიგზას" შორის გაფორმებული ხელშეკრულების თანახმად, ა/წლის 15 ივლისიდან, ყოველ სამშაბათსა და შაბათს ფოთი-ბაქოს (კიშლი) სარკინიგზო მონაკვეთზე, საკონტეინერო ბლოკ-მატარებელი სახელწოდებით SILK BRIDGE იმოძრავებს. საკონტეინერო გადაზიდვის ხაგრძლივობა იქნება 34 საათი.
ფოთის პორტი კვლავ დაკეტილია
21 ნოემბერი 2014

ფოთის პორტი კვლავ დაკეტილია

შტორმის შედეგად მ/წლის 20 ნოემბერს 16:45სთ-ზე ფოთის პორტში გემების შემოსვლა დროებით შეფერხდა. სსიპ საქართველოს საზღვაო ტრანსპორტის სააგენტოს ცნობით, სამუშაო პროცესი განახლდება 21 ნოემბერს დაახლოებით 17:00 სთ-ზე და შეუფერხებლად იმუშავებს 22 ნოემბრის 24:00 სთ-მდე. სავარაუდოდ პორტის სრული დატვირთვით სამშაბათს 25 ნოემბერს ამუშავდება.
ალოგი ყაზახეთის ტრანსპორტისა და ლოგისტიკის გამოფენაზე
29 სექტემბერი 2015

ალოგი ყაზახეთის ტრანსპორტისა და ლოგისტიკის გამოფენაზე

მიმდინარე წლის 16-18 სექტემბერს ყაზახეთის ქალაქ ალმათიში გაიმართა მე-19 საერთაშორისო გამოფენა ტრანსპორტისა და ლოგისტიკის მიმართულებით, სახელწოდებით Transit Kazakhstan 2015.