ალოგ ჯორჯია - ფოთის პორტში საკონტეინერო ტვირთების მოცულობამ რეკორდულ დონეს მიაღწია

ფოთის პორტში საკონტეინერო ტვირთების მოცულობამ რეკორდულ დონეს მიაღწია

11 მაისი 2023

კონტეინერების დამუშავებისა და ტვირთბრუნვის თვალსაზრისით, ფოთის ტერმინალისთვის 2023 წლის აპრილი რეკორდული იყო.

აპრილში დამუშავდა 53,626 TEU კონტეინერი, რაც 91,3%-ით მაღალი მაჩვენებელია 2022 წლის აპრილთან შედარებით. აღსანიშნავია, რომ ფოთის საზღვაო ნავსადგურში, ერთი თვის მანძილზე, ამ რაოდენობის ტვირთის დამუშავების პრაქტიკა აქამდე არ ყოფილა.

საერთო ჯამში, 2023 წლის პირველ ოთხ თვეში კონტეინერების მოცულობა იყო 177 900 TEU, რაც 73%-ით მაღალი მაჩვენებელია გასული წლის ანალოგიურ პერიოდთან შედარებით და ყველაზე მაღალი, რაც კი ოდესმე ყოფილა წლის პირველ ოთხ თვეში.

ამასთან ერთად, მნიშვნელოვნად გაზრდილია საკონტეინერო გემების მიღებაც. წლის დასაწყისიდან ფოთის ტერმინალმა გასულ წელთან შედარებით მიიღო 74.6%-ით მეტი - 103 საკონტეინერო გემი. ზრდა შეინიშნება რკინიგზით შემოტანილი კონტეინერების რაოდენობაშიც. 2023 წლის იანვარი-აპრილის პერიოდში, შემოსული და დამუშავებული კონტეინერების რაოდენობა ყველაზე მაღალი იყო ბოლო სამი წლის განმავლობაში დაფიქსირებულ რაოდენობას შორის - 3, 848 TEU.

მსგავსი სიახლეები

23 ოქტომბერი 2014

ავტოლოგისტიკა ყაზახეთის ბიზნესის წარმომადგენლებს შეხვდა

2014 წლის 22 ოქტომბერს სასტუმრო "რედისონ ბლუ ივერია"-ში საქართველოს სავაჭრო-სამრეწველო პალატისა და ყაზახეთის მრეწველობისა და ინვესტიციების განვითარების სამინისტროს ორგანიზებით, გაიმართა საქართველო-ყაზახეთის ბიზნეს ფორუმი, რომელიც მიეძღვნა ორი ქვეყნის ბიზნესმენებს შორის პარტნიორული თანამშრომლობის განვითარებას.

21 მარტი 2015

საქართველო-კანადის ბიზნეს ფორუმი

ჩვენი კომპანია ტრადიციას არ ღალატობს და ამჟამადაც ესწრება საქართველოს სავაჭრო-სამრეწველო პალატის ხელშეწყობით საქართველო-კანადის ბიზნეს ფორუმს, რომელიც 2015 წლის 18-20 მარტს გაიმართა სასტუმროში Tbilisi Marriot Hotel.

11 აგვისტო 2022

საქართველოს რკინიგზამ 6 თვეში 6.8 მლნ ტონა ტვირთი გადაზიდა - ზრდა 13.3%-ია

საქართველოს რკინიგზას ბოლო 7 წლის განმავლობაში სატვირთო გადაზიდვებში ყველაზე მაღალი მაჩვენებლები აქვს. ინფორმაციას ამის შესახებ საქართველოს რკინიგზა ავრცელებს.კომპანიის მიერ გამოქვეყნებული 2022 წლის პირველი ექვსი თვის შედეგების მიხედვით, რკინიგზამ ჯამურად 6.8 მლნ ტონა ტვირთი გადაზიდა, რაც წინა წლის ამავე პერიოდის მაჩვენებელს 13.3%-ით აღემატება. რაც შეეხება შემოსავლებს, გადაზიდვებიდან მიღებულმა შემოსავალმა 191 მლნ ლარს გადააჭარბა. რკინიგზაში აცხადებენ, რომ ეს ბოლო 7 წლის განმავლობაში ყველაზე მაღალი მაჩვენებელია.საქართველოს რკინიგზის ინფორმაციით, გადაზიდვების მაჩვენებლები ჩინეთის, ყაზახეთის, შუა დერეფნის და ბაქო-თბილისი-ყარსის მიმართულებით გაიზარდა. ტვირთების მიხედვით გადაზიდვები კი შემდეგი სახეობის ტვირთებზე მაზუთზე, ნედლ ნავთობზე, მეთანოლზე, კარბამიდზე და შაქრის ნედლეულზე გაიზარდა.