თებერვალში ექსპორტი $456 მილიონამდე გაიზარდა
15 მარტი 2023
საქსტატმა საგარეო ვაჭრობის ამსახველი ანგარიში გამოაქვეყნა. დოკუმენტის მიხედვით, თებერვლის განმავლობაში საქართველოს ექსპორტმა 456 მილიონი დოლარი შეადგინა, რაც წინა წელთან შედარებით 6%-ით, ანუ 27 მილიონი დოლარით მეტია.
ამასთან, იანვარ-თებერვალში ექსპორტმა 915 მილიონი დოლარი შეადგინა, რაც წინა წელთან მიმართებით 20%-ით მეტია.
რაც შეეხება იმპორტს, ის თებერვალში 963 მილიონს შეადგენდა, რაც წინა წელთან შედარებით 5.5%-ით ნაკლებია. ჯამურად იანვარ-თებერვალში იმპორტმა 1.98 მილიარდი დოლარი შეადგინა, ეს წლიურად 9%-ით მეტია.
