ალოგი, როგორც გლობალურ ბაზარზე მოღვაწე აქტიური წევრი, ამჟამად მალაიზიის ქალაქ კუალა ლუმპურს ესტუმრა, სადაც საერთაშორისო ბაზარზე მოღვაწე სატრანსპორტო-საექსპედიტორო კომპანიებს შესაძლებლობა მოგვეცა ერთმანეთისთვის გაგვეზიარებინა ლოგისტიკის სფეროში მიღებული გამოცდილება.

ქართული პორტების ტვირთბრუნვა გაიზარდა - ამის შესახებ ეკონომიკის სამინისტროს მიერ გამოქვეყნებული ანგარიშიდან ხდება ცნობილი. დოკუმენტის თანახმად, 2022 წლის იანვარ-აპრილში პორტებმა ჯამში 4 მილიონი ტონა ტვირთები დაამუშავეს, რაც წინა წელთან შედარებით 0.5 მილიონი ტონით მეტია. გაზრდილია ასევე გადამუშავებული კონტეინერების რაოდენობაც. თუკი გასული წლის იანვარ-აპრილში ფოთის და ბათუმის საკონტეინერო ტერმინალებმა 128,000 ერთეული კონტეინერი გაატარეს, წელს ეს რიცხვი 137,000-მდე არის გაზრდილი.უფრო დეტალურად - ფოთის პორტი 2.4 მილიონ ტონა ტვითს მოემსახურა (მატება 0.2 მლნ ტონა), ბათუმის პორტი კი 1.6 მილიონ ტონას (მატება 0.3 მლნ ტონა). მომატებულია რკინიგზის ტვირთბრუნვაც, რამაც ამ პერიოდში 4.1 მილიონი ტონა შეადგინა, ეს წინა წელთან მიმართებით 0.1 მილიონი ტონით მეტია. რკინიგზასთან შედარებით ორჯერ მეტია სახმელეთო გზით გატარებული ტვირთები, რამაც წელს 8.7 მილიონი ტონა შეადგინა. მატება აქაც 0.1 მილიონი ტონაა.