მცხეთა-სტეფანწმინდა-ლარსის საავტომობილო გზის მლეთა-გუდაური-კობის მონაკვეთზე ინტენსიური თოვის შედეგად ზვავსაშიშროების გამო, იკრძალება ყველა სახის ავტოტრანსპორტის მოძრაობა.

თოვლისა და ლიპყინულის გამო, არაგვისპირი-მლეთის და კობი-ლარსის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა აღნიშნულ მონაკვეთებზე თავისუფალია.

უამინდობის გამო, დაკეტილია ასევე ფოთის პორტიც, რის გამოც ვერ ხერხდება პორტში გემების შემოსვლა. საზღვაო ტრანსპორტის სააგენტოს ცნობით, პორტი სავარაუდოდ ხვალ დღის მეორე ნახევარში გაიხსნება.

წყარო: საქართველოს გარემოსა და ბუნებრივი რესურსების დაცვის სამინისტროს გარემოს ეროვნული სააგენტო და სსიპ საზღვაო ტრანსპორტის სააგენტო