იანვრიდან დღემდე ევროპიდან ტვირთის საზღვაო გადაზიდვები 50%-ით, ხოლო აზია-ჩინეთიდან 250-300%-ით გაძვირდა.

როგორც სხვადასხვა გამოცემები იუწყებიან ქვეყნებს შორის სავაჭრო დისბალანსის გამო ამ ეტაპისთვის რთულია პროგნოზირება, როდის დაუბრუნდება ან დაუბრუნდება თუ არა ფასები პირვანდელ ნიშნულს.

საქართველოზე, როგორც მსოფლიოს საზღვაო გადაზიდვების ნაწილზე, ვრცელდება ის ტენდენციები, რომელიც ამ სფეროშია, თუმცა საქართველოსთვის ფასის ზრდის ასახვა გაცილებით მეტი იყო. დეფიციტის პირობებში, ყველა ცდილობს, ძირითად პორტებს შორის იყოს ბრუნვა, რადგან დროულაად დაბრუნდეს ცარიელი კონტეინერები, საქართველო კი ამ შემთხვევაში პერიფერიაა.

ამ ყველაფრის ფონზე, საზღვაო გადამზიდებს უკვე უწევენ კონკურენციას სარკინიგზო გადამზიდები.

საზღვაო გადაზიდვების ფასის მკვეთრი მატება ევროპასა და აზიის ქვეყნებში, გამოწვეულია პანდემიური მდგომარეობით. პანდემიასთან თანაცხოვრება ყველაზე მალე ჩინეთის ეკონომიკამ ისწავლა და ყველაზე ადრე გამოცოცხლდა მისი ექსპორტი, რის შედეგადაც ქვეყნებს შორის სავაჭრო დისბალანსი გაჩნდა. ამ პრობლემის აღმოფხვრასთან ერთად, როდესაც ევროპისა და ამერიკის ეკონომიკური მდგომარეობა პირვანდელ სახეს დაუბრუნდება ვარაუდობენ, რომ ფასები დასტაბილურდება.

ასევე აღსანიშნავია, რომ 2021 წლის 4 თვეში საზღვაო გზით ტვირთბრუნვა გაიზარდა და 1,532 მლრდ დოლარი შეადგინა, ეს კი თითქმის 10%-ით მეტია წინა წლის ანალოგიურ პერიოდთან შდარებით.