საქართველოს რკინიგზის ტვირთბრუნვა 4.6%-ით, 7.1 მილიონ ტონამდე გაიზარდა
29 სექტემბერი 2020
COVID-19-ის ეკონომიკური კრიზისის მიუხედავად, საქართველოს რკინიგზის ტვირთბრუნვა გაიზარდა. საქართველოს რკინიგზამ 2020 წლის რვა თვეში 7.1 მილიონი ტონა მოცულობის ტვირთი გადაზიდა, რაც წინა წელთან შედარებით 311 ათასი ტონით მეტია.
რაც შეეხება რკინიგზის სამგზავრო გადაყვანებს, თუკი 2019 წლის იანვარ-აგვისტოში რკინიგზამ 2,034,860 მგზავრი გადაიყვანა, წელს გადაყვანილი მგზავრების რაოდენობა 791,735-ია.
საქართველოს რკინიგზას 2020 წლის შუალედური ფინანსური ანგარიში უკვე გამოქვეყნებული აქვს. დოკუმენტის მიხედვით, 2020 წლის პირველ ექვს თვეში კომპანიის შემოსავალი 245 მილიონი ლარი იყო. ფინანსური ანგარიშის თანახმად, გაზრდილი სატვირთო გადაზიდვების მიუხედავად, კომპანიამ 31.4 მილიონი ლარის ზარალი განიცადა.
