საქართველოს უმსხვილესი სავაჭრო პარტნიორი ქვეყნების ათეულში ამერიკის შეერთებულ შტატებს მე-5 პოზიცია უკავია. საქსტატის ანგარიშის თანახმად, 2021 წელს ორ ქვეყანას შორის სავაჭრო ბრუნვა 820 მლნ დოლარი იყო, რაც წინა წლის მაჩვენებელს 5.7%-ით აღემატება.

2021 წელს საქართველომ აშშ-ში ექსპორტზე 194,6 მლნ დოლარის საქონლის ექსპორტი განახორციელა, რაც 2020 წლის მაჩვენებელს 143.2%-ით აღემატება. 2020 წელს აშშ-ში ექსპორტი $80 მილიონი იყო.


TOP-10 პროდუქტი, რომლებიც საქართველომ 2021 წელს აშშ-ში ექსპორტზე გაიტანა:

1. ფეროშენადნობები ($172,3 მლნ)
2. ყურძნის ნატურალური ღვინოები ($4,9 მლნ)
3. მინერალური და მტკნარი წყლები ($2,4 მლნ)
4. საფრენი აპარატების ნაწილები ($2,1 მლნ)
5. ხილისა და ბოსტნეულის წვენები ($1,9 მლნ)
6. მსუბუქი ავტომობილები ($1,3 მლნ)
7. ნაყოფი და კაკალი ($1,2 მლნ)
8. ნაწარმი საქონლის ტრანსპორტირებისათვის ან მის შესაფუთად პლასტმასებისაგან ($1,2 მლნ)
9. კოჭა, ზაფრანა, ურცი, დაფნის ფოთოლი, კარი და სხვა სანელებლები ($1.1 მლნ)
10. ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები ($0,9 მლნ).