მიმდინარე წლის 5-8 მაისს გერმანიის ქ. მიუნხენში ჩატარდა მე-15 საერთაშორისო გამოფენა სახელწოდებით „ტრანსპორტი და ლოგისტიკა“ (Transport and Logistic), რომელსაც სტუმრობდა რეკორდული რაოდენობის ვიზიტორი (55, 000) 124 ქვეყნიდან და მონაწილე (2, 050) 62 ქვეყნიდან.

ინოვაციური ლოგისტიკური გადაწყვეტილებები, ინფორმაციული ტექნოლოგიები, საზღვაო, საავტომობილო, სარკინიგზო, საჰაერო სატრანსპორტო მომსახურებები და პროდუქტები მიუნხენის გამოფენის მთავარ თემას წარმოადგენდა.

მსოფლიოს ერთ-ერთ ყველაზე მასშტაბურ სატრანსპორტო, ლოგისტიკურ გამოფენას მიუნხენის საგამოფენო ცენტრში (München Messe) ჩვენი კომპანიაც სტუმრობდა. შევხვდით მსოფლიოს წამყვანი კომპანიების წარმომადგენლებს, მათ შორის მუდმივ პარტნიორებსაც. თანამშრომლობის შესახებ გავაფორმეთ რამდენიმე ხელშეკრულება და ველით ახალ გამოწვევებს გლობალურ ბაზარზე.

ფოტოალბომი