უკრაინული წამყვანი სავაჭრო ქსელები და მწარმოებლები თბილისში
შპს „ავტოლოგისტიკა“-ს 30-31 ოქტომბერს შესაძლებლობა მიეცა მონაწილეობა მიეღო ბიზნეს გაერთიანება „საქართველოს დამსაქმებელთა ასოციაციის“ და უკრაინული კომპანია “ADVISER“-ის ორგანიზებით გამართულ საერთაშორისო კონფერენციაში სახელწოდებით “QUALITY & SALE 2014“.
თბილისს ესტუმრა უკრაინის წამყვანი სავაჭრო ქსელების წარმომადგენლები, რომელთა მიზანს საქართველოს ბაზრისთვის საკუთარი და ამავე დროს საქართველოში წარმოებული პროდუქციის გაცნობას წარმოადგენდა. კონფერენციის ფარგლებში შევხვდვით ასევე ყაზახეთის, აზერბაიჯანისა და სასომხეთის სავაჭრო ქსელებისა და მწარმოებელი კომპანიების წარმომადგენლებს.
ორდღიანი ვიზიტის ფარგლებში, 31 ოქტომბერს უცხოელ სტუმრებთან ერთად ვესტუმრეთ კომპანია „ზედაზენი“-სა და „ბადაგონი“-ს ქარხნებს. ადგილზე გავეცანით პროდუქციის წარმოების პროცესს, სადაც განვიხილეთ ამავე კომპანიების მიერ წარმოებული ქართული პროდუქციის ექსპორტის საკითხებიც.
აღნიშნული კონფერენცია ხელს შეუწყობს ქვეყნებს შორის სავაჭრო ურთიერთობების გაღრმავებასა და შესაბამისად იმპორტ-ექსპორტის მაჩვენებლის ზრდას. ჩვენ, როგორც ამ პროცესის განუყოფელი ნაწილი, მზად ვართ ჩვენი წვლილი შევიტანოთ ქვეყნებს შორის ეკონომიკური ურთიერთობების განვითარებაში.
