მსოფლიო ბანკი წელს საქართველოში ეკონომიკის 5.5%-იან ზრდას პროგნოზირებს
მსოფლიო ბანკი წელს საქართველოში ეკონომიკის 5.5%-იან ზრდას პროგნოზირებს
13 იანვარი 2022

მსოფლიო ბანკმა გლობალური ეკონომიკის განახლებული შეფასება გამოაქვეყნა. ანგარიშის მიხედვით, 2022 წელს საქართველოს ეკონომიკა, სავარაუდოდ, 5.5%-ით გაიზრდება, 2023 წელს კი ზრდა 5% იქნება. ამ მაჩვენებლით საქართველოში ზრდის პროგნოზი უფრო მაღალია, ვიდრე მეზობელ სომხეთსა და აზერბაიჯანში.

მსოფლიო ბანკის პროგნოზი რეგიონის ქვეყნების ეკონომიკურ ზრდაზე:

● საქართველო - 2022 წელს 5.5%; 2023-ში 5%;
● სომხეთი- 2022 წელს 4.8%; 2023-ში 5.4%;
● აზერბაიჯანი - 2022 წელს 3.1%; 2023-ში 2.7%;
● თურქეთი - 2022 წელს 2%; 2023-ში 3%;
● რუსეთი - 2022 წელს 2.4%; 2023-ში 1.8%;
● უკრაინა - 2022 წელს 3.2%; 2023-ში 3.5%.

“საქართველო ევროპისა და ცენტრალური აზიის რეგიონში მეორე ყველაზე სწრაფად მზარდი ეკონომიკის მქონე ქვეყნად ითვლებოდა 2021 წელს 10.5%-იანი სავარაუდო ზრდით, რაც ასახავს ადგილობრივი მოთხოვნის ძლიერ მატებას, ფისკალური პოლიტიკის ზემოქმედებას და საგარეო სიტუაციის გაუმჯობესების დადებით გავლენას;

საქართველოს ეკონომიკური ზრდა, სავარაუდოდ, შენელდება 2022 და 2023 წლებში პოტენციური ზრდის 5-5.5%-იან მაჩვენებლამდე, შედარებით უფრო მკაცრი ფისკალური პოლიტიკის და დასტაბილურებული ადგილობრივი მოთხოვნის პირობებში. პროგნოზი ემყარება პანდემიასთან დაკავშირებული შეფერხებების შეზღუდვას, რასაც ხელს უწყობს ვაქცინაციის სფეროში მიღწეული პროგრესი და მომხმარებლებისა და ბიზნესის ნდობის ზრდა.

რისკები საბაზისო პროგნოზთან დაკავშირებით კლებისკენ რჩება გადახრილი, რომელთა შორის აღსანიშნავია: (i) ინფლაციის ზეწოლა, რომელიც იწვევს დაფინანსების პირობების შემდგომ გამკაცრებას და (ii) COVID-19-ის ინტენსიური გავრცელება, განსაკუთრებით ახალი ვარიანტებისა და ვაქცინაციის დაბალი მაჩვენებლების კონტექსტში", - ნათქვამია მსოფლიო ბანკის მიმოხილვაში.

მსგავსი სიახლეები

ქართულ პორტებში საკონტეინერო გადაზიდვები გაიზარდა
21 ივნისი 2022

ქართულ პორტებში საკონტეინერო გადაზიდვები გაიზარდა

ქართული პორტების ტვირთბრუნვა გაიზარდა - ამის შესახებ ეკონომიკის სამინისტროს მიერ გამოქვეყნებული ანგარიშიდან ხდება ცნობილი. დოკუმენტის თანახმად, 2022 წლის იანვარ-აპრილში პორტებმა ჯამში 4 მილიონი ტონა ტვირთები დაამუშავეს, რაც წინა წელთან შედარებით 0.5 მილიონი ტონით მეტია. გაზრდილია ასევე გადამუშავებული კონტეინერების რაოდენობაც. თუკი გასული წლის იანვარ-აპრილში ფოთის და ბათუმის საკონტეინერო ტერმინალებმა 128,000 ერთეული კონტეინერი გაატარეს, წელს ეს რიცხვი 137,000-მდე არის გაზრდილი.უფრო დეტალურად - ფოთის პორტი 2.4 მილიონ ტონა ტვითს მოემსახურა (მატება 0.2 მლნ ტონა), ბათუმის პორტი კი 1.6 მილიონ ტონას (მატება 0.3 მლნ ტონა). მომატებულია რკინიგზის ტვირთბრუნვაც, რამაც ამ პერიოდში 4.1 მილიონი ტონა შეადგინა, ეს წინა წელთან მიმართებით 0.1 მილიონი ტონით მეტია. რკინიგზასთან შედარებით ორჯერ მეტია სახმელეთო გზით გატარებული ტვირთები, რამაც წელს 8.7 მილიონი ტონა შეადგინა. მატება აქაც 0.1 მილიონი ტონაა.
ფოთის პორტი კვლავ დაკეტილია
21 ნოემბერი 2014

ფოთის პორტი კვლავ დაკეტილია

შტორმის შედეგად მ/წლის 20 ნოემბერს 16:45სთ-ზე ფოთის პორტში გემების შემოსვლა დროებით შეფერხდა. სსიპ საქართველოს საზღვაო ტრანსპორტის სააგენტოს ცნობით, სამუშაო პროცესი განახლდება 21 ნოემბერს დაახლოებით 17:00 სთ-ზე და შეუფერხებლად იმუშავებს 22 ნოემბრის 24:00 სთ-მდე. სავარაუდოდ პორტის სრული დატვირთვით სამშაბათს 25 ნოემბერს ამუშავდება.