ეკონომიკური თავისუფლების ინდექსში საქართველო მე-8 ადგილზე დაწინაურდა
ეკონომიკური თავისუფლების ინდექსში საქართველო მე-8 ადგილზე დაწინაურდა
14 სექტემბერი 2020

Fraser institute-ის 2020 წლის „მსოფლიო ეკონომიკური თავისუფლების“ რეიტინგში საქართველოს ქულა და პოზიცია გაუმჯობესდა და 8.18 ქულით ლიდერი ქვეყნების ათეულში მე-8 პოზიციას იკავებს. საქართველო 2019 წლის ანგარიშში მე-9 ადგილს იკავებდა.

რეიტინგში, რომელიც გასული 2018 წლის საანგარიშო პერიოდს ეფუძნება პოზიციის გაუმჯობესება განპირობებულია სხვადასხვა ფაქტორებით, როგორიცაა ქვეყნის მშპ-ს ზრდის დადებითი ტემპი, მთავრობის მოხმარების წილის შემცირება მთლიან მოხმარებაში, ხელსაყრელი ბიზნეს გარემოს არსებობა და სხვა.

ინდექსი ქვეყნებს ხუთი ძირითადი მიმართულებით აფასებს, ყველა ამ ძირითად მიმართულებაში საქართველოს ქულა გაუმჯობესდა:

მთავრობის ზომა - 7.86 ქულა, წინა ინდექსში მინიჭებული ქულა 7.58;
სამართლებრივი სისტემა და საკუთრების უფლებები - 6.47 ქულა, წინა ინდექსში მინიჭებული ქულა 6.34;
მყარი ვალუტა - 9.30 ქულა, წინა ინდექსში მინიჭებული ქულა 8.89;
საერთაშორისო ვაჭრობის თავისუფლება - 9.02 ქულა, წინა ინდექსში მინიჭებული ქულა 8.74;
რეგულაციები - 8.27 ქულა, წინა ინდექსში მინიჭებული ქულა 8.15

"მსოფლიოს ეკონომიკური თავისუფლება“ შემუშავებულია კანადური Frazer Institute-ისა და ეკონომიკური თავისუფლების მსოფლიო ქსელის წევრი ინსტიტუტების მონაწილეობით. რეიტინგი ზომავს ქვეყანაში განხორციელებული პოლიტიკური კურსისა და ინსტიტუციების ხარისხს, რაც განსაზღვრავს ქვეყნის ეკონომიკურ თავისუფლებას. მონაცემები, რომლებიც მუშავდება ყოველწლიურად, დაფუძნებულია მესამე მხარის მიერ წარმოდგენილ მონაცემებსა და დამოუკიდებელ კვლევაზე 162 ქვეყნისათვის. რეიტინგში გამოყენებული მონაცემების ნაწილი ეფუძნება ისეთ ავტორიტეტულ საერთაშორისო ორგანიზების კვლევასა და შეფასებებს, როგორიცაა საერთაშორისო სავალუტო ფონდი, მსოფლიო ბანკი, მსოფლიო ეკონომიკური ფორუმი და სხვა.

მსგავსი სიახლეები

საქართველოს რკინიგზამ 6 თვეში 6.8 მლნ ტონა ტვირთი გადაზიდა - ზრდა 13.3%-ია
11 აგვისტო 2022

საქართველოს რკინიგზამ 6 თვეში 6.8 მლნ ტონა ტვირთი გადაზიდა - ზრდა 13.3%-ია

საქართველოს რკინიგზას ბოლო 7 წლის განმავლობაში სატვირთო გადაზიდვებში ყველაზე მაღალი მაჩვენებლები აქვს. ინფორმაციას ამის შესახებ საქართველოს რკინიგზა ავრცელებს.კომპანიის მიერ გამოქვეყნებული 2022 წლის პირველი ექვსი თვის შედეგების მიხედვით, რკინიგზამ ჯამურად 6.8 მლნ ტონა ტვირთი გადაზიდა, რაც წინა წლის ამავე პერიოდის მაჩვენებელს 13.3%-ით აღემატება. რაც შეეხება შემოსავლებს, გადაზიდვებიდან მიღებულმა შემოსავალმა 191 მლნ ლარს გადააჭარბა. რკინიგზაში აცხადებენ, რომ ეს ბოლო 7 წლის განმავლობაში ყველაზე მაღალი მაჩვენებელია.საქართველოს რკინიგზის ინფორმაციით, გადაზიდვების მაჩვენებლები ჩინეთის, ყაზახეთის, შუა დერეფნის და ბაქო-თბილისი-ყარსის მიმართულებით გაიზარდა. ტვირთების მიხედვით გადაზიდვები კი შემდეგი სახეობის ტვირთებზე მაზუთზე, ნედლ ნავთობზე, მეთანოლზე, კარბამიდზე და შაქრის ნედლეულზე გაიზარდა.
ა-ლოგი დუბაიში გამართულ საერთაშორისო გადამზიდველთა კონფერენციაზე
26 იანვარი 2016

ა-ლოგი დუბაიში გამართულ საერთაშორისო გადამზიდველთა კონფერენციაზე

ჩვენმა კომპანიამ მონაწილეობა მიიღო 18-21 იანვარს დუბაიში გამართულ საერთაშორისო კონფერენციაში სახელწოდებით Middle Cargo Meet 2016.