ტრანსკასპიური საერთაშორისო სატრანსპორტო მარშრუტი, ანუ შუა დერეფანი, ТМТМ შესაძლოა, ჩრდილოეთ დერეფანზე უფრო კონკურენტუნარიანი გახდეს, რაც საქართველოს და აზერბაიჯანის საერთო ინტრესია.

როგორც უცხოური გამოცემები იუწყებიან რუსეთ-უკრაინის ომის დასრულების შემდეგ შუა დერეფნის კონკურენტუნარიანობის განმსაზღვრელი იქნება მისი ეფექტურობა და გამჭირვალობა როგორც სარკინიგზო ისე საზღვაო სატრანსპორტო კავშირებისთვის.

ჩინეთის ტვირთი, რომელიც ტრადიციულად რუსეთის გავლით გადიოდა, დღეს ეფექტურად სწორედ შუა დერეფნით ტრანსპორტირდება. ექსპერტების შეფასებით, მიუხედავად იმისა რომ, ჩინეთსა და ევროპას შორის რუსული დერეფანი საკმაოდ ეფექტურია, ბელორუსიისა და პოლონეთის საზღვარზე საქონლის გადაადგილების დროს გარკვეული სირთულეები იქმნება. სწორედ ამიტომ დღეს შუა დერეფანი ყველა მონაწილეს სჭირდება, რომლებმაც ცენტრალური აზია-კავკასიის, როგორც ჩინეთის ბაზრის ნაწილის კონცეფცია პოპულარული რაც შეიძლება, სწრაფად უნდა გახადონ, თორემ ჩინეთის ბაზარი საბოლოოდ ისევ ჩრდილოეთ დერეფანს დაუბრუნდება, როცა ის ომის შემდეგ ხელახლა გაიხსნება. მაგ დროისთვის შუა დერეფანი მაღალკონკურენტუნარიანად უნდა დარჩეს, რაც, საქართველოსა და აზერბაიჯანს კეთილდღეობას მოუტანს.

დღევანდელი მონაცემებით შუა დერეფნის გამტარუნარიანობა, წელიწადში, დაახლოებით, 500-550 000 TEU-ს შეადგენს, რაც შარშანდელ 300 000 TEU-ზე მეტია და მთლიანი სიმძლავრის 60%-ია.