სტატისტიკის ეროვნული სამსახურის მიერ დღეს გამოქვეყნებული ანგარიშის მიხედვით, 2020 წლის იანვარ-აპრილში ჩინეთში საქართველოს ექსპორტი 27%-ით გაიზარდა და $135.5 მილიონი დოლარი შეადგინა. ეს ჩინეთთან გაფორმებული თავისუფალი ვაჭრობის შეთანხმების ამოქმედების შემდეგ, ქვეყანაში ექსპორტის ზრდის ყველაზე დიდი მაჩვენებელია.

ამავდროულად, ექსპორტი 29.3%-ით არის შემცირებული რუსეთის ფედერაციაში და ის $125.6 მილიონ დოლარს შეადგენს. ამ შემცირების გამო, რუსეთმა საექსპორტო ქვეყნების სიაში მესამე ადგილი დაიკავა (2019 წელს პირველ ადგილზე იყო).

COVID-19-ის მიერ გამოწვეული ეკონომიკური შოკის გამო, საქართველოს ექსპორტი ჯამურად 11.5%-ით არის შემცირებული და ის იანვარ-აპრილის პერიოდში $1 მილიარდს შეადგენს.

შესაბამისად, ამ კლების გამო, საქართველოს 10 ძირითადი სავაჭრო პარტნიორი ქვეყნიდან 6-ში ექსპორტის მოცულობა შემცირებულია. მათ შორისაა აშშ, სომხეთი, თურქეთი, რუსეთი, უკრაინა და სხვა