საქართველოში სატვირთო-სატრანზიტო გადაზიდვები გაიზარდა
8 სექტემბერი 2020

ნავთობპროდუქტების იმპორტიორთა კავშირის განცხადებით, 2020 წლის ივლისში საქართველოში ტრანზიტად გამავალი სატვირთო სატრანსპორტო საშუალებების რაოდენობამ შეადგინა 28 196 ერთეული, რაც გასული წლის ანალოგიური პერიოდის მაჩვენებელს 5 837 ერთეულით ანუ 26,1%-ით აღემატება.

სულ 2020 წლის იანვარ-ივლისის განმავლობაში საქართველოში ტრანზიტად გამავალი სატვირთო სატრანსპორტო საშუალებების რაოდენობამ შეადგინა 166 367 ერთეული, რაც 15,2%-ით ანუ 21 944 ერთეულით მეტია 2019 წლის ანალოგიური პერიოდის მაჩვენებელთან შედარებით.

„მიმდინარე წელს საქართველოში პოზიტიური დინამიკა ფიქსირდება ტრანზიტად გამავალი სატვირთო საშუალებების რაოდენობასთან დაკავშირებით. საგულისხმოა, რომ ეს ყველაფერი ხდება COVID-19 პანდემიის პირობებში, რაც საქართველოს ეკონომიკისათვის უდაოდ დადებითი მოვლენაა, ხელს უწყობს საქართველოს სატრანზიტო ფუნქციის გაძლიერებას, ზრდის საბიუჯეტო შემოსავლებს, დადებითად მოქმედებს დიზელის საწვავის და საავტომობილო ზეთების რეალიზაციაზე“, - ნათქვამია ნავთობპროდუქტების იმპორტიორთა კავშირის ინფორმაციაში.

მსგავსი სიახლეები

ფოთის პორტი კვლავ დაკეტილია
21 ნოემბერი 2014

ფოთის პორტი კვლავ დაკეტილია

შტორმის შედეგად მ/წლის 20 ნოემბერს 16:45სთ-ზე ფოთის პორტში გემების შემოსვლა დროებით შეფერხდა. სსიპ საქართველოს საზღვაო ტრანსპორტის სააგენტოს ცნობით, სამუშაო პროცესი განახლდება 21 ნოემბერს დაახლოებით 17:00 სთ-ზე და შეუფერხებლად იმუშავებს 22 ნოემბრის 24:00 სთ-მდე. სავარაუდოდ პორტის სრული დატვირთვით სამშაბათს 25 ნოემბერს ამუშავდება.