რუსეთის პორტების შეფერხების გამო, საქართველო აბრეშუმის გზის უალტერნატივო ჰაბი გახდა
რუსეთის პორტების შეფერხების გამო, საქართველო აბრეშუმის გზის უალტერნატივო ჰაბი გახდა
24 მარტი 2022

დიზელის ტიპის საწვავის ღირებულება საერთშორისო მასშტაბით მას შემდეგ, რაც რუსეთ უკრაინის ომი დაიწყო, 42%-ით გაიზარდა. ფასები გაზრდილია ადგილობრივ ბაზარზეც. ბენზინგასამართ სადგურებში დიზელის ღირებულება 4-ლარიან ნიშნულს გასცდა.

დიზელზე ფასის ნახტომისებური მატების გამო, ტვირთების ტრანსპორტირება გაძვირდა.

სახმელეთო გადაზიდვებისგან განსხვავებით ფასების კუთხით საზღვაო გადაზიდვებში ცვლილებები ამ დროისთვის არ ფიქსირდება. როგორც გადამზიდავი კომპანიები ამბობენ, საკონტეინერო გადაზიდვების მიმართულებით ფასების მკვეთრი ზრდა ჯერ კიდევ პანდემიის დროს დაფიქსირდა, თუმცა მათი თქმით, ბოლო თვეებია ამ კუთხით სტაბილური ფასი ნარჩუნდება.

მას შემდეგ რაც რუსეთში კრიზისი დაიწყო, საქართველოს პორტებზე მოთხოვნა გაიზარდა. უფრო მეტიც, რუსეთისა და უკრაინის პორტებში არსებული შეფერხებების გამო, გარკვეული ნაკადები საქართველოში შემოვიდა.

ამ დრომდე აბრეშუმის დერეფანზე ერთ-ერთი ყველაზე ძვირი საქართველოს მარშრუტი იყო. დღეს ეს მარშუტი არის უალტერნატივო. უკვე შესაძლებელი გახდა საქართველოს გავლით შუა აზიის ტვირთების ტრანსპორტირება, რომელიც უნდა ყოფილიყო ნოვოროსისკში ან ილიჩევსკში. ცნობილი მიზეზების გამო იქაური პორტები ვერ იღებენ ტვირთებს, შესაბამისად, ტვირთების გადამისამართება მოხდა ფოთის პორტში და შემდგომ ტრაილერებით გაგზავნა საბოლოო დანიშნულების ადგილას. ასევე საქართველოს პორტებზე შუა აზიის ექსპორტის მიმართულებითაც არის მოთხოვნა. ამ სიტუაციაში საქართველო გახდა აბრეშუმის გზის უალტერნატივო ჰაბი.

მსგავსი სიახლეები

კონფერენცია თემაზე „სავაჭრო-საინვესტიციო ურთიერთობების დამყარება - პალატების როლი“
20 ოქტომბერი 2014

კონფერენცია თემაზე „სავაჭრო-საინვესტიციო ურთიერთობების დამყარება - პალატების როლი“

2014 წლის 20 ოქტომბერს, საქართველოს სავაჭრო-სამრეწველო პალატაში გაიმართა კონფერენცია თემაზე „სავაჭრო-საინვესტიციო ურთიერთობების დამყარება - პალატების როლი“.
ACE 2017 - მესსე, მიუნხენი
25 მაისი 2017

ACE 2017 - მესსე, მიუნხენი

2017 9 -12 მაისს  ქალაქ მიუნხენში , გერმანია ჩატარდა ლოგისტიკური და სატრანსპორტო გამოფენა Air Cargo Europe (ACE 2017). ღონისძიებას  კომპანია "ალოგი" ესწრებოდა.
თურქეთის სანაპიროსთან შავ ზღვაში სატვირთო გემი შეჯდა მეჩეჩზე (GE)
5 აპრილი 2023

თურქეთის სანაპიროსთან შავ ზღვაში სატვირთო გემი შეჯდა მეჩეჩზე (GE)

კონტეინერმზიდი გემი მარენი შეჯდა მეჩეჩზე თურქეთის სანაპიროზე, შავ ზღვაში, სინოპის დასავლეთით. გავრცელებული ინფორმაციით, ინციდენტი მოხდა 2023 წლის 1 აპრილს, როცა გემი პირეოსიდან ფოთისკენ მიემართებოდა.