ომის გავლენა ლოგისტიკაზე (RU)
11 Апрель 2022

21-ე საუკენეში არაერთი გამოწვევის წინაშე დამდგარა მსოფლიო.

რუსეთსა და უკრაინას შორის არსებულმა ომმა დიდი გავლენა იქონია შავი ზღვის რეგიონზე და ლოგისტიკური მიწოდების ჯაჭვის შეფერხების საშიშროება წარმოქმნა.

გაჩერებულია უკრაინის ეკონომიკა და მისი წამყვანი პორტები.

რუსეთისთვის დაწესებულმა ევროკავშირის სანქციებმა სავაჭრო შეზღუდვების კუთხით, გავლენა მეტწილად საზღვაო და სახმელეთო გადაზიდვებზე იქონია.

საზღვაო გადაზიდვა

უკრაინაში არსებული კონტეინერები ვერ ტოვებენ ტერიტორიას, რაც ხელს უშლის ბაზარზე ცარიელი კონტეინერების მიწოდებას.

ასევე აღსანიშნავია, რომ უკრაინისკენ მიმავალი საიმპორტო კონტეინერები ომის შემდგომ გადანაწილდნენ მეზობელ პორტებში: კონსტანცა (რუმინეთი), პირეუსი (საბერძნეთი), თექირდაგი (თურქეთი), ბათუმი და ფოთი (საქართველო).

სახმელეთო გადაზიდვა

2020 წელს ევროკავშირის საგზაო იმპორტის (10.7%) და ექპორტის (7.8%) მოცულობის დიდი ნაწილი რუსეთზე მოდიოდა.

წელს კი მსხვილმა საგზაო გადამზიდავებმა რუსეთის ტერიტორიაზე შეაჩერეს ოპერაციები და სატრანზიტო ტვირთების გადაზიდვის ალტერნატიული მარშრუტები შეიმუშავეს, თურქეთისა და სამხრეთ კავკასიის ქვეყნების, მათ შორის საქართველოს გავლით.

ომი, როგორც რეგიონალურ, ისე გლობალურ დონეზე ქმნის გამოწვევებს და ალტერნატიული გზების ძიებაში ჩნდება ახალი შესაძლებლობები.

Similar news

რუსეთის პორტების შეფერხების გამო, საქართველო აბრეშუმის გზის უალტერნატივო ჰაბი გახდა (RU)
24 Март 2022

რუსეთის პორტების შეფერხების გამო, საქართველო აბრეშუმის გზის უალტერნატივო ჰაბი გახდა (RU)

დიზელის ტიპის საწვავის ღირებულება საერთშორისო მასშტაბით მას შემდეგ, რაც რუსეთ უკრაინის ომი დაიწყო, 42%-ით გაიზარდა. ფასები გაზრდილია ადგილობრივ ბაზარზეც. ბენზინგასამართ სადგურებში დიზელის ღირებულება 4-ლარიან ნიშნულს გასცდა.დიზელზე ფასის ნახტომისებური მატების გამო, ტვირთების ტრანსპორტირება გაძვირდა.სახმელეთო გადაზიდვებისგან განსხვავებით ფასების კუთხით საზღვაო გადაზიდვებში ცვლილებები ამ დროისთვის არ ფიქსირდება. როგორც გადამზიდავი კომპანიები ამბობენ, საკონტეინერო გადაზიდვების მიმართულებით ფასების მკვეთრი ზრდა ჯერ კიდევ პანდემიის დროს დაფიქსირდა, თუმცა მათი თქმით, ბოლო თვეებია ამ კუთხით სტაბილური ფასი ნარჩუნდება. მას შემდეგ რაც რუსეთში კრიზისი დაიწყო, საქართველოს პორტებზე მოთხოვნა გაიზარდა. უფრო მეტიც, რუსეთისა და უკრაინის პორტებში არსებული შეფერხებების გამო, გარკვეული ნაკადები საქართველოში შემოვიდა. ამ დრომდე აბრეშუმის დერეფანზე ერთ-ერთი ყველაზე ძვირი საქართველოს მარშრუტი იყო. დღეს ეს მარშუტი არის უალტერნატივო.  უკვე შესაძლებელი გახდა საქართველოს გავლით შუა აზიის ტვირთების ტრანსპორტირება, რომელიც უნდა ყოფილიყო ნოვოროსისკში ან ილიჩევსკში. ცნობილი მიზეზების გამო იქაური პორტები ვერ იღებენ ტვირთებს, შესაბამისად, ტვირთების გადამისამართება მოხდა ფოთის პორტში და შემდგომ ტრაილერებით გაგზავნა საბოლოო დანიშნულების ადგილას. ასევე საქართველოს  პორტებზე შუა აზიის ექსპორტის მიმართულებითაც არის მოთხოვნა. ამ სიტუაციაში საქართველო გახდა აბრეშუმის გზის უალტერნატივო ჰაბი.