დღეს გამოქვეყნდა 2022 წლის თებერვლის საგარეო ვაჭრობის წინასწარი ანგარიში. დოკუმენტის თანახმად, გასული თვის განმავლობაში საქართველოდან ექსპორტი წინა წელთან შედარებით 60%-ით, ანუ 161 მილიონი დოლარით გაიზარდა და $429 მილიონი იყო.

იმპორტის მოცულობამ კი 344 მილიონი დოლარით იმატა და 992.7 მილიონ დოლარს შეადგენდა.

მიმდინარე წლის პირველ ორ თვეში ქართული ექსპორტი 760 მილიონი დოლარი იყო, რაც წლიურად 54%-ით მეტია, იმპორტი კი 1.78 მილიარდს შეადგენდა, რაც ასევე 47%-ით არის გაზრდილი.

საქსტატი 21 მარტს გამოაქვეყნებს დეტალურ სტატისტიკას, თუ რომელი სასაქონლო ჯგუფების იმპორტი და ექსპორტი არის გაზრდილი.