ა-ლოგი აბრეშუმის გზის საერთაშორისო პალატის პრეზენტაციაზე

ა-ლოგი აბრეშუმის გზის საერთაშორისო პალატის პრეზენტაციაზე

მიმდინარე წლის 3 აპრილს საქართველოს ესტუმრა „საერთაშორისო ვაჭრობის აბრეშუმის გზის საერთაშორისო პალატის“ (SRCIC) თავმჯდომარე ლიუ იანზონგი თანმხლები დელეგაციით. ვიზიტის მიზანია საქართველოს, როგორც „აბრეშუმის გზის“ უძველესი ქვეყნის, აქტიური ჩართვა რეგიონულ პროექტებში, რაც გულისხმობს აბრეშუმის გზის რეგიონის სავაჭრო-ეკონომიკური და კულტურული ურთიერთობების განვითარების ხელშეწყობას.

აბრეშუმის გზის საერთაშორისო პალატა (SRCIC) წარმოადგენს არასამთავრობო, არაკომერციულ ორგანიზაციას, რომელიც 2015 წელს ჰონგ-კონგში ადმინისტრაციულ რეგიონში დაფუძნდა აბრეშუმის გზის ფარგლებში მქოფი ქვეყნების სავაჭრო პალატებისა და Tang West Market Group-ის მიერ.

პალატის მიზანია ჩამოაყალიბოს საერთო მიდგომა და ხედვა საერთაშორისო ეკონომიკისა და სავაჭრო ურთიერთობების გაღრმავების მიზნით, ხელი შეუწყონ ერთიანი გეგმის შემუშავებასა და ისტორიული აბრეშუმის გზის გაცოცხლებას.

საქართველოში ვიზიტის ფარგლებში 5 აპრილს სასტუმრო „თბილისი მარიოტში“ გაიმართა პალატის პრეზენტაცია, რასაც კომპანია ა-ლოგიც (საქართველოს სავაჭრო-სამრეწველო პალატის წევრი) ესწრებოდა.

შეხვედრის ფარგლებში ხელი მოეწერა ურთიერთგაგების მემორანდუმს საქართველოს სავაჭრო-სამრეწველო პალატასა და საერთაშორისო ვაჭრობის აბრეშუმის გზის პალატას შორის, რაც თავის მხრივ გაზრდის თანამშრომლობის პოტენციალს და საშუალებას მისცემს ბიზნეს სექტორს, მეწარმეებს დაამყარონ კონტაქტები, განავითარონ პარტნიორული ურთიერთობები და ჩაერთონ საერთაშორისო კომერციულ ქსელებში.

კომპანიის სახელით კიდევ ერთხელ დიდი მადლობა გვინდა გადავუხადოთ საქართველოს სავაჭრო-სამრეწველო პალატას მოწვევისთვის და საინტერესო შეხვედრებისათვის.

მსგავსი სიახლეები

ჩინეთიდან საქართველოს მიმართულებით განხორციელებული პირველი სარკინიგზო გადაზიდვა

ჩინეთიდან საქართველოს მიმართულებით განხორციელებული პირველი სარკინიგზო გადაზიდვა

13 თებერვალი 2015
5-ჯერ შემცირებული სატრანზიტო დრო და ჩინეთიდან საქართველოში შემოსული პირველი სარკინიგზო სატვირთო მატარებელი.
ავტოლოგისტიკა საქართველო-ისრაელის ბიზნეს ფორუმზე

ავტოლოგისტიკა საქართველო-ისრაელის ბიზნეს ფორუმზე

22 ოქტომბერი 2014
მიმდინარე წლის 20-21 ოქტომბერს საქართველოს ეწვია ისრაელის სავაჭრო პალატისა და კერძო სექტორის წარმომადგენლები.  წარმომადგენლები. საქართველო-ისრაელის სავაჭრო პალატებისა და BDO-ს ორგანიზებით სასტუმრო „ქორთიარდ მერიოტ“-ში (Courtyard Marriot) გაიმართა კონფერენცია, რომლის მიზანს წარმოადგენდა კომპანიებისათვის ბიზნეს გარემოსა და საინვესტიციო კლიმატის გაცნობა.