საქართველო-აზერბაიჯანის საზღვარზე მოძრაობა შეიზღუდა

საქართველო-აზერბაიჯანის საზღვარზე მოძრაობა შეიზღუდა

აზერბაიჯანულმა მხარემ საქართველო-აზერბაიჯანის საზღვარზე, კერძოდ, ლაგოდეხის მონაკვეთზე საქართველოს მოქალაქეებისთვის მოძრაობა შეზღუდა.

არსებული ინფორმაციით, საზღვრის ჩაკეტვის ოფიციალურ მიზეზად აზერბაიჯანული მხარე იმ ფაქტს ასახელებს, რომ მათთან ამოქმედდა კანონი, რომლის თანახმადაც, 2004 წლამდე გამოშვებული ავტომობილები მათ ქვეყანაში არ დაიშვება. თუმცა, მოქალაქეები, რომლებიც ამ მიზეზით საზღვარზე არ გაატარეს, ეჭვობენ, რომ რეალური მიზეზი ბაქოს "ნეფთჩისა" და საჩხერის "ჩიხურას" მატჩისას გულშემატკივრებს შორის მომხდარი ჩხუბია. მიზეზი "ჩიხურას" ფანების მიერ სტადიონზე საქართველოს რუკის ჩამოკიდება გახდა, სადაც "ზაქათალა" და "კახი" საქართველოს ტერიტორიად იყო აღბეჭდილი. დააკავეს რამდენიმე ქართველი გულშემატკივარი, მათ შორის - ჟურნალისტებიც, რომლებიც გუშინვე გაათავისუფლეს.

ქართული მხარე საქართველო-აზერბაიჯანის საზღვრის ლაგოდეხის მონაკვეთზე დაწესებულ შეზღუდვას საჩხერის "ჩიხურასა" და ბაქოს "ნეფთჩის" მატჩის შემდეგ მომხდარ დაპირისპირებას არ უკავშირებს. როგორც ჟურნალისტებს უშიშროების საბჭოს მდივანმა, ირინა იმერლიშვილმა შს სამინისტროს შესაბამის დეპარტამენტზე დაყრდნობით განუცხადა, აღნიშნული აზერბაიჯანში მიღებულ კანონს უკავშირდება.

"როგორც შსს-ს სასაზღვრო დეპარტამენტი გვეუბნება, საზღვარი ჩაიკეტა მხოლოდ იმ მანქანებისთვის, რომლებიც არ შეესაბამება აზერბაიჯანის მიერ მიღებულ კანონს. ეს კანონი კარგა ხანია მიღებულია, დაანონსებულიც იყო, რომ პირველი აგვისტოდან იქნება შეზღუდვა", - განაცხადა ირინა იმერლიშვილმა. მისივე ინფორმაციით, იმ ავტომობილებს, რომლებიც აღნიშნული კანონის მოთხოვნებს აკმაყოფილებს, საზღვარზე არანაირი შეზღუდვა არ ექნება.

მხარეთა გადაწყვეტილებით, კანონის ძალაში შესვლის თარიღმა გადაიწია 2 კვირის ვადით და ამოქმედდება 2014 წლის 16 აგვისტოს.

მსგავსი სიახლეები

საქართველო-კანადის ბიზნეს ფორუმი

საქართველო-კანადის ბიზნეს ფორუმი

21 მარტი 2015
ჩვენი კომპანია ტრადიციას არ ღალატობს და ამჟამადაც ესწრება საქართველოს სავაჭრო-სამრეწველო პალატის ხელშეწყობით საქართველო-კანადის ბიზნეს ფორუმს, რომელიც 2015 წლის 18-20 მარტს გაიმართა სასტუმროში Tbilisi Marriot Hotel.
ალოგი - ტენდერში გამარჯვებული კომპანია

ალოგი - ტენდერში გამარჯვებული კომპანია

18 მარტი 2015
მიმდინარე წლის 17 მარტს შპს ავტოლოგისტიკასა (ალოგი) და საქართველოს შინაგან საქმეთა სამინისტროს (შსს) სახელმწიფო შესყიდვების სამსახურს შორის გაფორმდა ხელშეკრულება, რომლის საგანსაც წარმოადგენს ქ. ფოთიდან და ბათუმიდან შსს-ს სახელზე ჩამოსული ტვირთების ქ. თბილისში ტრანსპორტირება.